Tổng công ty điện lực miền Trung dôl mbơh tơih ƀư âk trong kan gay ma mât đăp mpăn rnoh điện, nkre lah mbơh đă lor đah ƀon lan an lơi ir dŏng âk điện ta mông âk nuĭh dŏng.

Tổng công ty Điện lục miền Trung kơp dơn công suất dŭt têh lah rlău 3.500MW ta nar 21/4, hao 10,2% đah khay aơ năm 2022. Nău nchrăp tâm ăp nar duh tât tay, công suất dŭt têh hôm nha geh hao âk. Tâm rnôk nĕ, rnoh điện tử bâh ăp rnoh dak bât pă điện ta nkual miền Trung- Tây Nguyên geh tât 38%. Lah nău duh phang hôm nha geh âk ta ăp ntŭk rĭ nău pă điện lơ ma jêr lơn. Ta năp nău aơ, Tổng công ty Điện lực miền Trung đă ăp công ty điện lực ntgăch rdâk njêng n’hanh mbơh tơih trong kan mât đăp mpăn pă điện ta khay wai, pă dăp mông nar koh điện an tâmn di, n’hao nău dŏng công nghệ nkra điện gay ma bah ir geh nău tăch proăt pă điện. Tổng công ty điện lực miền Trung mbơh tơih đah ƀon lan dŏng điện an geh dŏng mpêt nkrem, ngăn lah ta ăp mông geh âk nuĭh dŏng lah ta nar n’hanh măng.