VOV4.M’nông- Mih têh jŏ tâm âk mông ta ôi nar 26/5 lĕ ƀư an du đê̆ nkual ta 2 xã Mỹ Đức n’hanh Đạ Pal bâh nkuăl Đạ Tẻh, n’gor Lâm Đồng geh dak băm âk. Âk ngih jay bâh ƀon lan n’hanh rhiăng ha tơm tăm geh khuch khat.

Tĭng rnoh kơp bôk năp bâh ntŭk kan têh, geh 22 ngih jay gŭ bâh nuĭh ƀon lan ta thôn 5, 7 bâh xã Mỹ Đức n’hanh thôn Xuân Châu bâh xã Đạ Pal lĕ geh dak băm, jru tât 0,5m. Mih têh, rnoh dak hao lĕ ƀư an 270ha tơm tăm, dŭt âk lah rnoh neh dâu tằm, tơm sa play, n’hanh du đê̆ dak bât rong kan bâh nuĭh ƀon lan ta ăp nkual rđŭng bâh 2 xã geh dak băm n’hanh khuch âk. Ăp trong hăn let thôn, trong ĐH95 hăn let xã Đạ Pal lĕ dak rchoh, rluh pich, ngăn lah ta trong dôl geh ƀư.

Nuĭh rblang: Thị Đoắt