VOV4.M'nông: Nthoi tay rơh hop tâl 9, ôi 14/3, djăt Mpôl groi nđôi way nkô̆ mbơh lôch jêh bôk năp mpeh nău dăp rgum ăp đơn vị mât bôk kan gưl nkuâl, gưl xã tâm lvang năm 2019-2021, Ủy ban Thường vụ Quốc hội mô ndơ̆ trong nchrăp n'glăp gưl nkuâl tâm nkual ƀon têh gay đăp mpăn tâm di đah nău tâm pă tơm nuĭh kan n'hanh dăp rgum nkual ƀon têh. Lôch groi nđôi an saơ, ăp n'gor ƀư rtŭt glêh dơi 08 đơn vị mât kan gưl nkuâl n'hanh 561 đơn vị gưl xã; 3.437 nhih pah kan, mpôl kan ta gưl xã n'hanh 429 nhih pah kan, mpôl kan ta gưl nkuâl. Tâm lvang năm 2019 - 2021 hŏ mpêt nkrem dŏng ngân sách ngih dak nklăp rlău 2 rbăn rmen prăk. Yơn lah, tă bah năm khay ƀư hôm glêh jêng ta du đêt n'gor, lĕ rngôch prăk mpêt nkrem dơi mô hŏ đăp mpăn tŏng ăp an nău sŏk dŏng prăk ntop kơl cán bộ, công chức, viên chức rmeh lôch dăp rgum./.

Nuĭh rblang: Điểu Thân