VOV4.M'nông: Lah rơh ta rơh hop pơk sŏng dăng mpeh rdâng lơh n'gơ neh ta n'gor Kon Tum ƀư ôi ntri (19/4) ta Hà Nội, wa Trần Quang Hoài, Groi kruanh Ƀan rđău đă gưl neh dak mpeh njrăng n'gang trôk nar lơh đă, mô nkrul tay n'glău dak bât thủy điện Thượng Kon Tum tâm rnôk dja. Nchih rgum bah Viện Vật lý Địa cầu, Viện Hàn lâm Khoa học n'hanh Công nghệ Việt Nam an saơ, mhe aơ, na nê̆ ntơm bah khay 4 năm 2021 tât aƀaơ, ăp rnoh nchih rgum an saơ nău n'gơ neh way geh ta nkuâl Kon Plông n'hanh kiău ma way geh mbro n'hanh geh trong rƀŏng hao dăng lơn, lơn lah tâm ăp nar 15 n'hanh 18 khay 4 mhe aơ, hŏ năl geh n'gơ neh mbro ta nkual dja đah lĕ rngôch âk 22 tơ̆ rơh n'gơ neh đah rnoh dăng ntơm bah 2,5 tât 4,5 độ rích te. Bol ma tât aƀaơ mô hŏ năl geh khuch khat mpeh nhih jay n'hanh kon nuĭh ta nkual geh n'gơ neh, yơn lah ăp tơ̆ n'gơ neh hŏ lơh phit klach tât nău rêh bah nuĭh ƀon lan tâm nkual./.

Nuĭh rblang: Điểu Thân