Ta rơh tâm mâp, đah 40 nău tâm nchră, nău tâm rgop bâh ăp đại biểu geh tâm nchră, tâm mbơh nău rgum nsum ta 2 nkô̆ nău tơm nĕ lah: Tâm rgop nău uănh năl mpeh nău geh, ăp nău mô dơi, nău mô tŏng, nkô̆ nău n’hanh nău tă gĭt kan tâm nău kan rdâk njêng Đảng năm kan 2020-2025 n’hanh nău ƀư tĭng Điều lệ Đảng tâm Đảng bộ khối.

Bar lah, uănh rnê nău kan bâh cán bộ, đoàn viên, mom ndăm n’hanh ăp gâl kan đoàn tâm rmôt ăp ntŭk kan trung ương ta rơh tât râng nău kan rdâk njêng, mât leo Đảng n’hanh ƀư tĭng Điều lệ Đảng tâm ba năp nơh. Bâh nĕ, dăn đă ăp nkô̆ nău an geh mbơh tơih tâm let năp tay gay ma ntop ƀư tĭng geh nău dơi nkô̆ mpŏng Nghị quyết Đại hội đảng bộ ăp gâl tâm Đảng bộ khối, Nghị quyết Đại hội Đảng bộ Khối ăp ntŭk kan trung ương tal 13 n’hanh Nghị quyết Đại hội 13 bâh Đảng lĕ ngluh mbơh.