Tỉnh đoàn Dak  Lak kan nsum đah nuĭh tơm kơl pă an rhiăng nklâm  ndơ an nuĭh ach o ta nkual ƀon têh  Buôn Ma Thuột. aơ lah nău kan geh nkô̆ khlay gŭ tâm bôk nău  kan năm mhe râng kơl êng – Tết rŏng nuĭh bah mom ndăm Dak Lak rƀŏng tât nuĭh ach o n’hanh ăp nuĭh mô geh nău lap tâm rnôk Tết nguyên đán Giáp Thìn. 

Ta bôk nău  kan, mpôl tơm ƀư hŏ  kơl an 500 nklâm ndơ, ăp nklâm ndơ (rnoh khlay 300 rbăn prăk) kơl  an ăp nuĭh ƀon lan geh nău rêh jêr jŏt,  nuĭh quet nte, nuĭh ndrô ranh ta nkual ƀon têh Buôn Ma Thuột. bôk nău kan mpeh ăp rêng kan năm mhe tâm  rŏng kon nuĭh – tết tâm kơl nsum tă bah mom ndăm Dak Lăk an ƀư tâm lam n’gor. Tĭng nê, ndrel đah ăp  tơm ndơ tă bah  ăp nkuâl, Thành Đoàn rgum, Tỉnh Đoàn rgŏ  jă rlău 1,2 rmen prăk n’hanh kan nsum đah  ăp mpôl tơm ƀư bôk  nău kan ŭch râng êng ta ăp ntŭk ƀon lan gŭ, ntŭk rgum kơl  lam rêh jêng kon nuĭh n’hanh khâl, pă nklâm  ndơ ăp druh ndăm công nhân nuĭh kan  tâm măng giao thừa. aơ lah nău kan ngăn ngăn rƀŏng tât ăp nuĭh mô geh nău lap gay kơl khân păng wơt tết nguyên đán ăp tŏng, rhơn mƀak.