VOV4.M’nông – Ta Ngih văn hóa n’gor Dak Lak, Hội Mỹ thuật Việt Nam tâm rgop đah N’gâng kan Văn hóa-thể thao-Pâl nđaih n’gor Dak Lak mhe ƀư mpla nsơ Mỹ thuật tyâm rgop-Canavan hội họa rlŏ rlău Việt n’hanh ăp họa sĩ mpeh tâm chi hội Mỹ thuật n’gor Dak Lak ƀư. Ăp păng rup nmkoch tay nău rêh gŭ âm, geh âk nău mhe bah kon nuĭh nkual neh Tây Nguyên.

Năch uănh nsong mpla nsơ.

Canavan hội họa rlŏ rlău Việt dơi ƀư năm 2022, lah du ntŭk rlă rup bơi 20 họa sĩ dơi săch. Rơh hội họa rlŏ rlău Việt bôk năp ƀư dơi tâm rgop bah Hội Mỹ thuật Việt Nam văn phòng miền Nam n’hanh Vietnam Art Space, ƀư bah nkual ƀon têh HCM tât ntŭk n’glĕ dŭt lah Đà Nẵng, trong hăn mbra rlău âk ntŭk kơt: Dak Lak, Kon Tum, Bình Định, Phú Yên gay ƀư uĕh ăp nkual neh tă bah nău rlă bah nuĭh họa sĩ.

Nuĭh rblang: Y Sưng Phê Ja