VOV4.M’nông - Mbah rhơn nkah gĭt 47 năm nar rklaih đăp mpăn n’gor Kon Tum (16/3/1975-16/3/2022), 69 năm nar Way ơm chŭp rŭp Việt Nam, kêng măng 15/3, ta rŭp ndah lơh dăng ta Quảng trường nklang nkuăl têh Măng Đen, nkuăl Kon Plông, Hội văn học-Nghệ thuật n’gor Kon Tum tâm rgop đah UBND nkuăl Kon Plông ƀư mpla nsơ rŭp nghệ thuật. Mpla nsơ rŭp nghệ thuật yor Hội văn học-Nghệ thuật n’gor Kon Tum tâm rgop đah UBND nkuăl Kon Plông ƀư nkoch 120 păng rup bah 12 nghệ sỹ chŭp rŭp.

Nuĭh ƀon lan n’hanh năch uănh mpla nsơ ăp păng rŭp uĕh ta mpla nsơ.

Aơ lah ăp tác phẩm lĕ râng ăp rơh mpla nsơ gưl Trung ương n’hanh nkual. Tâm nĕ âk tác phẩm geh giải ta ăp rơh tâm rlong rŭp tâm n’hanh bah dih dak. Mpla nsơ ƀư bah 15 tât 25/3-Tâm di đah Liên hoan Diễn xướng dân gian văn hóa ăp rnoi mpôl đêt nkual Trường Sơn-Tây Nguyên rơh tal 3 năm 2022 n’hanh pơk mpông plơ̆ tay ăp ntŭk pâl nđaih ta n’gor jêng mbra geh uĕh.

Nuĭh rblang: Y Sưng Phê Ja