Dơn nău jă  bah Trung ương Đảng Cộng sản Trung Quốc, Mpôl đại biểu Đảng Cộng sản Việt Nam tă bah wa Trần Cẩm Tú, Ủy viên Bộ Chính trị, Bí thư Trung ương Đảng, Chủ nhiệm Ủy ban Kiểm tra Trung ương, ƀư kruanh mpôl leo hăn n’hanh pah kan ta Trung Quốc ntơm bah nar 05-07/11/2023.

Ta thủ đô Bắc Kinh, Mpôl hŏ geh rơh tâm nchră đah mpôl đại biểu Đảng Cộng sản Trung Quốc tă bah Ủy viên thường vụ Bộ Chính trị, Bí thư Ủy ban Kiểm tra Kỷ luật Trung ương Đảng Cộng sản Trung Quốc Lý Hy ƀư kruanh mpôl. Ta tâm nchră, Chủ nhiệm Ủy ban Kiểm tra Trung ương Trần Cẩm Tú lah rjăp, Việt Nam way ŭanh khlay n’hanh an lor bôk năp tâm boh đah Trung Quốc; nchrăp ndrel Đảng n’hanh Ngih dak Trung Quốc ntrŭt ntrôl tâm boh têh jong lam lĕ rngôch Việt Nam-Trung Quốc lăp tâm rơh hun hao mhe đah nsing nơm chính trị âk lơn, tâm boh njrăng n’gang neh dak- rnă njrăng ngăn ngăn lơn, tâm boh tâng jru lơn, jâng nsing lam rêh jêng kon nuĭh nâp dăng lơn, tâm boh ta ăp rơh rgum nchră âk ding lhăt jăp  lơn, ăp nkô̆ nău mô hŏ geh tâm ban ŭch dơi mât kân n’hanh nkra uĕh lơn nsing ta nău gĭt nsum  gưl têh n’hanh  tâm di đah luật pháp dak bah dih./.