Dơn nău jă bah Trung ương Đảng he, Mpôl đại biểu gưl prêh Đảng Cộng sản Pê-ru yor wa Lu-ít Vi-gia-nu-ê-va, Tổng Bí thư, leo bôk khâl n’hanh pah kan ta Việt nam, bah nar 9/11 tât nar 19/11/2023. Kêng măng nar 10/11, ta Hà Nội, đồng chí Trần Tuấn Anh, Ủy viên Bộ Chính trị, Kruanh Ban Kinh tế trung ương, ndơn măt Trung ương Đảng he, lĕ wơt Mpôl đại biểu gưl prêh Đảng Cộng sản Pê-ru.

Đồng chí Trần Tuấn Anh mĭn lah Đảng Cộng sản Việt Nam uănh khlay, mpŏng mô rlu nâp nâl n’hanh n’hao tâm boh kan ndrel đah ăp dak, ăp đảng geh tâm boh way ơm, tâm nĕ Đảng Cộng sản Pê-ru tĭng nău tâm boh lịch sử, nău uĕh tâm ban n’hanh đă kan ndrel tâm nu nău mhe yor nău geh bah ƀon lan ăp dak, yor đăp mpăn, kan ndrel n’hanh hun hao ta nkual n’hanh lam ntŭr neh. Tổng Bí thư Đảng Công sản Pê-ru Lu-ít Vi-gia-nu-ê-va lah rjăp Đảng Cộng sản Pê-ru uănh khlay tâm boh way ơm, tâm rnglăp dăch dêh đah Đảng Cộng Việt Nam; tâm ton rgop tay tâm nău ntrôl tâm boh dăch dêh n’hanh kan ndrel uĕh lăng đah 2 Đảng, 2 Ngih dak n’hanh nuĭh ƀon lan 2 dak tâm năm tât.