VOV4.M'nông: Nar ntri (27/4), Mpôl Đại biểu Quốc hội n'gor Dak Lak ƀư tâm nchră mâp ƀon lan bah năp rơh hop tâl 3, Quốc hội khoá XV. Ta ăp ntŭk mâp, Mpôl Đại biểu Quốc hội n'gor Dak Lak hŏ mbơh tât ƀon lan nkô̆ bôk nău kan nchrăp ta rơh hop tâl 3 n'hanh djăt nău rgop, dăn đă bah ƀon lan njuăl tât Quốc hội rơh dja.

Ta rơh tâm nchră, ăp nuĭh hŏ uănh khlay n'hanh dăn đă âk nkô̆ geh tât dâk hao tay wăng sa- rêh jêng kon nuĭh; ndơ̆ luh ăp trong nkra tơm gay đăp mpăn rnoh khlay ndơ, đăp mpăn ntŭk tăch rgâl n'hanh ntop kơl droh rklaih jêr jŏt an nău kan ƀư njêng, tăch rgâl bah doanh nghiệp n'hanh nuĭh ƀon lan lôch tât khuch bah nuh srê COVID-19.

Nuĭh rblang: Điểu Thân