Kêng măng 8/5, Mpôl Đại biểu Quốc hội n’gor Dak Lak ƀư rơh tâm nchră mâp cử tri way nkô̆ mpeh sŏk nău rgop trong nchrăp Luật neh ntu (rgâl nkra) bah năp rơh hop tâl 5, Quốc hội khoá XV. Ta rơh mâp, wa Đinh Văn Khiết, Groi kruanh ơm UBND n’gor Dak Lak an lah, ăp quy định rgâl mhe tâm trong nchrăp Luật neh ntu (rgâl nkra) mbra njêng dơi nău dơn ngoăy, ăp kôp đăp mpăn geh nău tam tâm dăp rgum trong nchrăp dŏng neh.

Yơn lah, êng đah nkual Tây Nguyên, nkual geh âk rnoi mpôl đê̆ gŭ rêh, luật ân geh ăp quy định na nê̆ mpeh pă an siƀŭt kơp dơn nău dơi dŏng neh gay rmôt dja geh nău dơn kan tâm trong dŏng neh geh nău tam rgâl bah hôm lôch pă an tăch rgâl tay. Ta rơh tâm nchră đŏng, âk cử tri dăn đă ân nkoch kloh nău mĭn nkra ăp rnoh neh tă bah nông lâm trường mât yơn nuĭh ƀon lan dôl dŏng, đăp mpăn tâm ban geh đah ăp ding.