Jêh rnôk n’glôch jêh rơh rƀŭn tal 5, Quốc hội khóa 15, nar nđaơ (27/6) ăp đại biểu Quốc hội n’gor Dak Lak lĕ geh nar mâp nuĭh ƀon lan ta ăp nkuăl Cư M’gar, Lắk, Krông Bông n’hanh nkual ƀon têh Buôn Ma Thuột. Ta ăp ntŭk, nău ma nuĭh ƀon lan uănh âk ngăn geh tât nu nău rnă njrăng chính trị n’hanh đăp mpăn rêh jêng kon nuĭh, ngăn lah jêh nău geh ta nkuăl Cư Kuin, n’gor Dak Lak.

Ăp nuĭh ƀon lan an lah, nău geh lĕ dơi geh nău uănh mĭn, mkra ngăch bah rmôt tahen dơi kan n’hanh n’gâng kan ƀon lan, geh nău đăp mpăn, tâm ban ŭch bah nuĭh ƀon lan. Yơn lah, aơ lah nău dŭt n’hâm khlay, lah nău rhoăt an lĕ trong chính trị an n’hao lơn nuih n’hâm tâm rnglăp, njrăng ăp nuĭh rlăng. Djôt dơn n’hanh uănh lah prêh ăp nău rgop bah nuĭh ƀon lan, mpôl đại biểu Quốc hội n’gor Dak Lak lĕ đă ăp ngih pah kan dơi kan n’hanh n’gor rblang. Đah ăp nău êng, rmôt kan mbra rgum lĕ, dăn đă tât Quốc hội, Chính phủ n’hanh ăp N’gâng kan, nău kan tâm ăp rơh rƀŭn bah năp tay.