Jêh rnôk Mpôl đại biểu Quốc hội n’gor Kon Tum mbơh đah bơi 100 nuĭh lah phung pah kan mpeh nău ƀư bah Mpôl đại biểu Quốc hội n’gor; nchrăp bôk nău kan, nkô̆ nău rơh rƀŭn tal 5, Quốc hội khóa 15 ntơm ƀư tâm nar 22/5 tât, Ban Thường vụ Liên đoàn Lao động n’gor Kon Tum lĕ mbơh lĕ rngôch nău rgop, dăn đă bah phung pah kan tâm n’gor đah ăp đại biểu Quốc hội.

Tĭng nĕ, nuĭh ƀon lan lah phung pah kan n’gor Kon Tum geh nău rgop, dăn đă đah Mpôl đại biểu Quốc hội n’gor 6 rmôt nău đah 38 nkô̆ nău, geh: Rmôt pah kan ntĭm rđău, ƀư tĭng nău kơl; rmôt nău kan lŏ mir, si glê; Rmôt nkra njêng tăch rgâl;

Rmôt nău kan dak si; Rmôt nău kan ntĭm nti n’hanh Rmôt nău kơl, đăp mpăn nău rêh jêng. Ta Rƀŭn nchră Tổng Liên đoàn Lao động Việt Nam lĕ an ndơ an 33 phung pah kan geh nău rêh jêr jŏt tâm n’gor. Du nlâm ndơ khlay 1 rkeh prăk măt n’hanh 200 rbăn prăk ndơ./.