Kêng măng 19/7, Mpôl groi nđôi bah Quốc hội tă bah Thượng tướng Trần Quang Phương, Groi Kruanh Quốc hội ƀư kruanh mpôl hŏ geh rơh pah kan đah kruanh rđău kan n’gor Dak Lak mpeh lôch jêh an tĭng ƀư ăp Nghị quyết bah Quốc hội lah: bôk nău kan gưl neh dak rdâk njêng ƀon lan mhe; bôk nău kan n’hŭch ach o jŏ jong lvang 2021-2025 n’hanh bôk nău kan hun hao wăng sa-  rêh jêng kon nuĭh nkual rnoi mpôl đê̆ n’hanh mpeh yôk yang lvang năm 2021-2030.

Mbơh đah mpôl hăn pah kan, lôch bơi 3 năm an tĭng ƀư 3 bôk nău kan gưl neh dak, muh măt ƀon lan Dak Lak geh mpơl săk ntơr uĕh. Nău rêh ƀon lan nkual rnoi mpôl đê̆ tĭng kơn dơi rgâl uĕh, văn hoá – rêh jêng kon nuĭh geh âk nău rgâl, rnoh rnăk ach o nar lơn ma hŭch đêt. Nău rêh nuih n’hâm bah ƀon lan dơi mât ŭanh khlay lĕ mpeh rnoh âk  n’hanh săk geh. Yơn lah, tâm rnôk tĭng ƀư 3 bôk nău kan gưl neh dak ta Dak Lak mâp âk jêr jŏt đŏng. Du đêt rnoh ntil nău kan jêr dơi tât tĭng nău ndơ̆ luh. Săk geh hŭch ach o mô hŏ nâp dăng, geh ma nău ntoh luh n’hanh plơ̆ tay ach o âk./.