VOV4.M'nông: Kêng măng 9/3, ta Jay Quốc hội, Mpôl groi nđôi bah Quốc hội mpeh way nkô̆ "Nău tĭng ƀư trong kan, pháp luật mpeh pah kan dăp rgum kơp ntơm bah rnôk Luật Quy hoạch geh nău tam dŏng" hŏ pah kan đah nkual ƀon têh Hồ Chí Minh, n'gor Đồng Nai n'hanh Bình Dương tĭng trong pơk sŏng dăng.

Tĭng mpôl groi nđôi, lôch nău mbơh bah 3 n'gor, hôm âk nkô̆ nău ân ƀư kloh nê lah, nău njêng n'hanh mbơh rblang Thủ tướng Chính phủ uănh an dŏng dăp rgum Nkual ƀon têh, dăp rgum 2 n'gor rơh năm 2021-2030 aƀaơ dŭt mbrơi da dê, Nkual ƀon têh Hồ Chí Minh mô hŏ uănh an dŏng nău kan dăp rgum; n'gor Bình Dương mô hŏ dơi sơch mbơh nti njêng trong dăp rgum; n'gor Đồng Nai dôl an ƀư njêng dăp rgum. Lah n'glôch jêh rơh pah kan, Groi kruanh Quốc hội Nguyễn Đức Hải an gĭt ăp n'gor, nkual ƀon têh ân njrăng ăp nău dăn đă gay tĭng ƀư dơi nău rgum dăp rgum; ăp quy định geh tât trong sơch mbơh nti njêng dăp rgum; ăp quy định mpeh rgâl êng tĭng ntŭk dăp rgum an tâm di ngăn ngăn; ăp quy định gay đăp mpăn nău dơi mât dŏng bah ngih dak rnôk ntlơi ăp ntŭk dăp rgum ndơ lôch ƀư./.  

Nuĭh rblang: Điểu Thân