VOV4.M’nông- -Kêng măng  nar 3/4, mpôl hăn pah kan bâh n’gâng kan tuch tăm mât rong n’hanh hun hao ƀon lan lĕ tât uănh nđôi nău kan ndâk nsơm khuch khat yor mih têh ta Quảng Bình. Tâm 3 nar ba năp, n’gor Quảng Bình ntoh geh mih têh ta âk ntŭk. Aơ lah rơh mih ƀư khuch khat dŭt âk an nău pah kan tuch tăm, ngăn lah tuch tăm yan puh wai. Mih têh lĕ ƀư dak băm rlău 5.900ha ba, tâm nĕ nkuăl Lệ Thủy bơi tât 3.700ha, nkuăl Quảng Ninh rlău1  rbăn ha. Quảng Bình geh rlău 910ha ba, âk ntŭk rong hàu n’hanh rbăn ntŭk rong ka lĕ geh khuch khat. Bol ma lĕ bah mih yơn hôm nha geh âk rnoh neh ba, bum mbo geh dăk băm ta nkual rđŭng ăp nkuăl Quảng Ninh, Lệ Thủy. N’gor Quảng Bình gay ma dăn đă đah n’gâng kan tuch tăm mât rong n’hanh hun hao ƀon lan kơl ntil tơm tăm, kon rong gay ma ndâk nsơm nău pah kan. Mpeh jŏ jong, n’gor dăn đă Trung ương kơl prăk n’hao ueh trong bât dak n’hanh n’hong dak ta du đê̆ nkual tơm lĕ geh khuch, kơl prăk gay ma nkra ueh ăp ntŭk mbra geh pich rlâm gay ma nuĭh ƀon lan mât đăp mpăn nău rêh, ndâk nsơm pah kan jan sa.

Nuĭh rblang: Thị Đoắt