Ntoh ngơi ta rơh pah kan, kruanh rnâng kan Nội Chính Trung ương Phan Đình Trạc mbơh du đê̆ nău an geh nkah tâm rnôk mât uănh bâh mpôl kan uănh nđôi. Đă ăp nuĭh kan ndrel ta mpôl kan uănh nđôi tâm rgop na nê̆ đah gâl ủy, ntŭk kan Đảng, ntŭk kan, n’gâng kan geh uănh nđôi ƀư lôch ăp nkô̆ mpŏng kan, nău ŭch geh n’hanh ăp nkô̆ nău an geh nkah njrăng tâm rnôk uănh nđôi ƀư tĭng ueh, tâm di nău ntrŭnh bâh Đảng mpeh nău nău kan uănh nđôi mât đăp mpăn na nê̆, săk rnglăy. Nkô̆ mpŏng ŭch nglâ̆ dŭt bâh nău kan uănh nđôi lah ntop ƀư tĭng ueh lơn, săk rnglăy lơn Nghị quyết Đại hội 13 bâh Đảng, Nghị quyết Đại hội n’gor Đảng bộ. Nău uănh nđôi dŭt khlăy ngăn lah geh saơ ăp nău nsrôih, nău dơi geh ueh, ăp nău mĭn kan, ăp trong kan ueh, trong kan di n’hanh ăp nău jêr, nău kŏ văk an geh uănh njrăng.