VOV4.M'nông: Nar 19/5, Ủy viên Trung ương Đảng, Tổng Giám đốc Radio nău ngơi Việt Nam Đỗ Tiến Sỹ ndrel mpôl ntơh măt gưl têh Radio tât khâl n'hanh mpoh nhang ta Nkual têl ơm yău pư̆ lŭ Trầm- chùa Trầm, xã Phụng Châu, nkuâl Chương Mỹ, nkual ƀon têh Hà Nội nkhêp nkah ndray 132 năm nar deh Kruanh Hồ Chí Minh. Aơ lah ntŭk Radio nău ngơi Việt Nam pơk "Nău kuăl jă lam dak dâk lơh" bah Kruanh Hồ Chí Minh tâm măng 19/12/1946. Ta rơh mpoh nhang, Tổng Giám đốc Radio nău ngơi Việt Nam Đỗ Tiến Sỹ ndrel mpôl ntơh măt gưl têh bah Radio n'hanh kruanh rđău kan xã Phụng Châu, nkuâl Chương Mỹ hŏ mpoh nhang ta đền me n'hanh pư̆ lŭ Trầm, ndrel nkah tay nar khlay ta Chùa Trầm đah aƀaơ 76 năm. Ta rơh hăn khâl n'hanh pah kan đah kruanh Ủy ban nhân dân xã Phụng Châu, nkuâl Chương Mỹ (nkual ƀon têh Hà Nội), Tổng Giám đốc Radio nău ngơi Việt Nam Đỗ Tiến Sỹ njuăl nău lah uĕh Ủy ban nhân dân xã Phụng Châu hŏ rgop mât ndray Nkual têl ơm yău pư̆ lŭ Trầm- Chùa Trầm, ntŭk Radio nău ngơi Việt Nam lap dơi n'gân ƀư nhih pah kan lor bôk năp tâm rơh tâm lơh tâm su mât neh dak./.

Nuĭh rblang: Điểu Thân