Jêh 4 nar ƀư rgop, rmôt lŏng bôk tôr ta n’gor Kon Tum lĕ dơi dơn ndơ âk tấn ndoh ndơ dŏng bah ăp ntŭk kan, doanh nghiệp n’hanh nuĭh lŏng bôk tôr kơl ƀon lan gek trôk nar lơh ta mpeh Bắc. Kêng măng 15/9, mpôl ndeh rdêng ndơ ntơm hăn bah n’gor Kon Tum rƀŏng sĭt nuĭh ƀon lan nkual dak lip n’gor Tuyên Quang.

Rmôt hăn kơl nuĭh lĕ tâm pă ntil, dăp tâm di ta 4 bôk ndeh rdêng ndơ geh ƀăih nkŭm đăp mpăn ndoh ndơ dơi mât uĕh. Nău rdêng, pă ntil, tung ndơ âk tấn ndoh ndơ ta ntŭk rgum quảng trường 16/3 ta nkual ƀon têh Kon Tum hôm geh nău rgop soan bah dŭt âk nuĭh ƀon lan. Đah mpŏng ŭch ăp ndơ dŏng dơi jao tât ty nuĭh ƀon lan nkual dak lip n’gor Tuyên Quang, rmôt kơl nuĭh n’gor Kon Tum nchrăp tâm ôp lor đah ngih pah kan dơi kan n’hanh lĕ dơi ntĭm trong hăn kơt ntŭk ma nuĭh ƀon lan dôl ŭch ntop kơl.