VOV4.M'nông: Nkah ndray 77 năm Cách mạng khay Pham, 77 năm Nar way ơm mpôl Công an ƀon lan (19/8) n'hanh 17 năm Nar rgum lam ƀon lan mât rnă njrăng neh dak (19/8), ôi 19/8, ta Hà Nội, Mpôl ntơh măt Đảng ủy Công an Trung ương n'hanh Bộ Công an tă bah Đại tướng Tô Lâm, Ủy viên Bộ Chính trị, Bí thư Đảng ủy, Bộ trưởng Bộ Công an leo hăn hŏ tât an kao si n'hanh lăp Lăng weh chop Kruanh Hồ Chí Minh.

Rlău 77 năm rdâk njêng, nsrôih ndôr n'hanh têh jêng, mpôl Công an ƀon lan ndrel lam Đảng, lam ƀon lan, lam tahen hŏ njêng geh nău dơi n'gloh an tâm n'gâng kan rdâng lơh rklaih luh rnoi nuĭh, nsĭt đăp mpăn, dah rŏng, dơn ngoăy neh dak, rdâk njêng n'hanh mât njrăng neh dak. Aƀaơ, tâm rnôk nô nău mhe ndơ̆ luh ăp ntul rlong n'hanh dơh soih tâm păch nsum, gay tĭng ƀư jăp nău khlay kan, nău dơn kan lah mpôl kan n'gâng tơm pah kan mât rnă njrăng neh dak, mât đăp mpăn lam rêh jêng kon nuĭh, Đảng, Ngih dak n'hanh ƀon lan he, mpôl Công an ƀon lan ân mât uĕh tay nău way ơm dăng janh, kloh ang, mô rlu nsrôih, rlău ăp nău jêr jŏt, ntul rlong, ƀư lôch jêh uĕh ăp nău kan dơi jao./.

Nuĭh rblang: Điểu Thân