Lôch geh uănh năl nău ngăn mpeh du đê̆ nău kan, trong kan tơm, ta rơh pah kan đah UBND n’gor Kon Tum, kruanh n’gâng kan nchră nău đah dak bah dih Bùi Thanh Sơn rnê âk nău nsrôih bâh n’gor tâm nău hun hao jêng ngoăy tâm âk ntŭk bôk năp hun hao ta Tây Nguyên.

Nkoch mbơh ăp nău kŏ khan, nău mô dơi tâm trong hun hao wăng sa- rêh jêng bâh n’gor Kon Tum 4 khay bôk năm 2023, kruanh n’gâng kan Bùi Thanh Sơn đă n’gor Kon Tum uănh nđôi ƀư tĭng nău ntĭm đă bâh Thủ tướng chính phủ ta nău ntrŭnh 08 uănh năl pă prăk ntuh kơl nsum lah ngoăy tâm âk nău kan tơm khlăy chính trị khlăy bôk năp. Dăn đă n’gâng kan rdâk njêng, n’gâng kan Tài nguyên n’hanh môi trường uănh n’hêl, dăn đă bâh n’gor Kon Tum ơm mbơh tơih nău ntrŭnh kan na nê̆, dơn ngoăy đah ăp nău nchrăp dŏng neh n’hanh nău nchrăp nkuăl ƀon têh.