VOV4.M'nông: Nar ntri 04/3, Mpôl pah kan Hội đồng Dân tộc bah Quốc hội tă bah wa Y Thanh Hà Niê Kđăm - Ủy viên Ban Chấp hành trung ương Đảng - Ủy viên Ủy ban Thường vụ Quốc hội, Kruanh Hội đồng dân tộc ƀư kruanh mpôl leo hăn hŏ geh rơh pah kan đah UBND n'gor Sóc Trăng gay ôp uănh nău tât ring tam tĭng ƀư nău n'glêh an bah Thủ tướng Chính phủ n'hanh nău n'glêh an bah Ủy ban dân tộc mpeh ăp trong kơl geh tât nkual rnoi mpôl đê̆ ta n'gor Sóc Trăng. Tĭng ăp nău mbơh bah UBND n'gor Sóc Trăng, nău tĭng ƀư 02 nău n'glêh an dja dôl tâm rơh bôk năp jêng UBND n'gor hŏ nta ăp trong dơh an ăp nkuâl tâm nău năl di săk nuĭh dơi kơl tâm rơh mhe. Lah ta rơh pah kan, Kruanh Hội đồng Dân tộc Y Thanh Hà Niê Kđăm an gĭt ma ăp nău rgop dăn đă bah n'gor Sóc Trăng, mpôl hăn mbra djăt, ôp uănh nău rgop bah ăp n'gâng kan geh tât ntơm bah nê geh ăp nău dăn đă tât Chính phủ gay kơl ăp n'gor tĭng ƀư jăp trong kan du trong dơh soih n'hanh geh nău tam./.

Nuĭh rblang: Điểu Thân