Nar nđaơ (8/7), Bí thư Thành ủy Đà Nẵng Nguyễn Văn Quảng geh nar wơt n’hanh pah kan đah Mpôl Đại biểu Quốc hội Hàn Quốc tât khâl n’hanh pah kan ta nkual ƀon têh Đà Nẵng, yor wa Kim Gi-hyeon, Ủy viên Quốc hội Hàn Quốc, Kruanh Ủy ban Đặc biệt ntop kơl ƀư Rƀŭn nchră APEC 2025.

Ta nar wơt, Bí thư Thành ủy Đà Nẵng Nguyễn Văn Quảng an gĭt, bôk khay 8/2025 mbra ƀư Lễ hội Văn hóa Việt-Hàn ta nkual ƀon têh Đà Nẵng, nkre nkoch ăp nău lôch uĕh tât bah nău ƀư Tâm nđŭr phim châu Á ƀư ta nkual ƀon têh Đà Nẵng. Wa Nguyễn Văn Quảng nkoch nău mpŏng ŭch dơi geh tay nău tâm rgop rjăp bah ăp ngih pah kan Chính phủ n’hanh Quốc hội Hàn Quốc gvay n’hao tâm boh dăch dêh, kan ndrel đah Việt Nam n’hanh Hàn Quốc lah nsum, đah nkual ƀon têh Đà Nẵng (mhe) n’hanh ăp n’gor Hàn Quốc lah êng.