Nar ntri 14/2 (mùng 5 Tết Giáp Thìn), mpông n’har bri Tân Thanh n’hanh mpông n’har bri lam ntŭr neh Hữu Nghị (n’gor Lạng Sơn) pơk tay mpông lôch 4 nar rlu Tết. Ta Tân Thanh, ntơm bah nar (14/2) mpôl kan dơi  kan hŏ lor nchrăp tâm pă mbor, dăp rgum  ndeh rdeng ndơ  ta mbor trong way an hăn rdeng ndơ  tăch. Ăp ndơ tăch n’gluh n’glăp lơn âk lah play  đŭr, play wai, thanh long, rpŭng kai.

Tâm nar,  hŏ geh 110 bôk ndeh rdeng play dơi ƀư siƀŭt tăch n’gluh rlău mpông n’har  bri Tân Thanh. Hôm ta  mpông n’har  bri lam ntŭr neh Hữu Nghị, kơp  tât bôk mông kêng măng ntri (14/2) hŏ geh rlău 30 bôk  ndeh tăch n’gluh (lơn âk  lah sầu riêng, play đŭr, thanh long) n’hanh 6 bôk ndeh rvăt n’glăp. Ntơm  bah  nar 18/2, lĕ rngôch  ăp mpông n’har  bri ta  n’gor Lạng Sơn mbra ƀư  pơk tay kơt ơm. Ăp ndơ tăch an luh lăp dơh rlău mpông n’har  bri  khlay bah n’gor Lạng Sơn  ntơm bah ăp nar lôch bah kơi Tết Nguyên đán dơi mpŏng lah ăp nău mpơl uĕh an nău kan bar ding n’har bri bah n’gor tâm let năp tay./.