VOV4.M'nông: Nkhêp geh rnôk dja, Ban rđău đă gưl neh dak rgŏ jă yur êng mham kan nsum đah Hội Chữ thập đỏ Việt Nam, Viện Huyết học – Truyền máu Trung ương ƀư bôk nău kan Mpư rnê 100 nuĭh yur êng mham ntoh lư lam dak năm 2022 đah nkô̆ "Rkeh play nuih, nsum du rơh tâm râp, yur êng mham kơl nuĭh".  Tâm rnoh 100 nuĭh ntoh lư yur êng mham dơi rnê rơh dja, geh âk nuĭh yur êng mham bah 60 tơ̆ let lơ; ăp nuĭh râng yur êng mham mbro, yur êng mham tâm ăp nău tât ndal; nkre nsrôih rgŏ jă hang rhiăng nuĭh râng yur êng mham. Wa Bùi Thị Hòa, Kruanh Hội Chữ Thập đỏ Việt Nam, Nhih pah kan rnâng kan Ban rđău đă gưl neh dak rgŏ jă yur êng mham lah rjăp: Lah mpôl kan n'gâng tơm, ăp cán bộ, hội viên, nuĭh râng êng Chữ thập đỏ hŏ mât uĕh nuih n'hâm rôih dăng, kan nsum đah n'gâng kan dak si, đah ăp n'gâng kan, nsum mpôl gay nkre nkoch trêng, rgŏ jă nuĭh ƀon lan  n'hanh râng yur êng mham đăp mpăn./.

Nuĭh rblang: Điểu Thân