Rơh thi tốt nghiệp THPT 2023 hŏ tât dăch, rnôk dja, ăp nhih nti THPT ta  Gia Lai dôl n’hao dăng mbơh nti, nkoch trêng ntop kơl kon se nti gĭt  nău way  tâm rơh thi khlay bơi tât. Rơh thi tốt nghiệp THPT năm 2023 mât đăp mpăn kơt năm 2022, yơn nău way thi mbra geh du đêt ntŭk mhe ăp nuĭh râng  thi ân gĭt na nê̆. Ndrel đah nău mbơh gĭt lam hvi gay kon se nti rƀah gĭt nău way thi, ăp nhih nti ta Gia Lai dôl mbrôn suan an pah kan ôn thi tốt nghiệp.

Ăp rmôt rnâng kan rdâk njêng nkô̆, bôk nău kan, tâm pă ntil kon se nti gay geh trong ôn tập tâm di. Rơh thi THPT gưl neh dak năm aơ, lam n’gor Gia Lai geh rlău 15.200 nuĭh đăng ký râng thi; tâm nê geh bơi 14.300 nuih nti phổ thông, 483 nuĭh nti giáo dục thường xuyên, hôm ƀa ƀă lah nuĭh râng thi dah rŏng êng bah dih. Tâm lĕ rngôch rnoh nuĭh đăng ký râng thi geh rlău 14.000  nuĭh đăng ký sơch lăp nti đại học, cao đẳng. N’gor Gia Lai hŏ geh trong nchrăp đah 41 ntŭk thi ngăn.