Năm aơ Việt Nam mra tăch luh dak ba dih nklăp 8 rkeh tấn phe đah rnoh nklăp 4,5 rmen đola. Aơ lah rnoh prêh ngăn kơp ntơm sa ơm tât rnôk aơ ndrel lah năm geh nau dơi tăch luh phe bah dak nơm. Tâm rnoh nê, ndơn lah năm 2024 mbơh, ntŭk tăch phe ba lŏ geh âk, rnôk du đê̆ dak n’hao nau rvăt lăp gay ma đăp mpăn ndơ sa. Nkô̆ nau bah nau kan aơ lah rnoh phe tâm lam ntur neh dôl mô tŏng, hôm Việt Nam dôl lah rnôk dôl tăch luh.

Tĭng nau kơp nau ŭch rvăt phe bah lam ntur neh âk ngăn, tâm nê dak vay rvăt lah Philipines, Indonesia mô lah Trung Quốc. Tĭng n’gâng kan tuch tăm ndrel hun hao ƀon lan, yan sial puh năm 2023-2024 nkuăl Đồng bằng sông Cửu Long mra srih bơi tât 1,5 rkeh ha đah rnoh geh rlau 10 rkeh tấn ba, rgum tâm ntil ba ƀô ngơi, ueh gay ma kơl nau ŭch rvăt sa tâm dak ndrel tăch luh./.