VOV4.M'nông: Bôk nău kan Thủ tướng Chính phủ mâp măt, tâm nkoch bri đah công nhân nuĭh kan đah nkô̆ "Công nhân Việt Nam đah nău mpŏng hun hao neh dak" mbra ƀư tâm nar 12/6 tât ta n'gor Bắc Giang. Aơ lah nău lư ta rơh hop báo tă bah Tổng Liên đoàn Lao động Việt Nam ƀư ta Hà Nội. Ta rơh hop báo, ntơh măt Tổng Liên đoàn lao động Việt Nam an gĭt: Bôk nău kan Thủ tướng Chính phủ mâp măt, tâm nkoch bri đah công nhân nuĭh kan mbra geh 4.500 nuĭh kan râng ta bôk tơm n'gor Bắc Giang n'hanh pơk sŏng dăng tât 63 n'gor, nkual ƀon têh. Aơ lah rgum nchră gay đoàn viên, công nhân nuĭh kan tâm mâp, mpơl nău ŭch rŏng n'hanh dăn đă ăp nkô̆ nău geh tât nău kan, nău rêh đah nuĭh mât bôk kan Chính phủ. Thủ tướng Chính phủ mbra djăt, rđău đă nkra ăp nkô̆ nău nuĭh pah kan ndơ̆ luh./.

Nuĭh rblang: Điểu Thân