VOV4.M'nông: Ta rơh hop tâl 16, Ủy ban TVQH an nău rgop mpeh nău nchrăp an rơh hop tâl 4 bah Quốc hội. Uỷ ban TVQH tâm ban ŭch rơh hop tâl 4, Quốc hội khóa 15 mbra ntơm pơk nar 20/10 n'hanh lôch jêh tâm nar 15/11. Lĕ rngôch jŏ rơh hop nchrăp 21 nar kalơ nuih n'hâm săk tam an ƀư lor bôk năp, yơn mpêt dŭt n'hâm mông nar n'hanh hop rgum lĕ ma rơh ta jay Quốc hội. Tổng Thư ký, Chủ nhiệm Văn phòng Quốc hội Bùi Văn Cường an gĭt: nchrăp Quốc hội tâm pă rơh ôp tâm 2 nar n'gul, ntơm bah kêng măng nar 3 tât 5/11 n'hanh ƀư pah kan nchrăp nuĭh kan ntơm bah bôk rơh hop. Quốc hội ntêm an 1 nar n'gul an tâm nchră  ta Hội trường mpeh nô nău wăng sa, rêh jêng kon nuĭh n'hanh prăk kaih, ngân sách. Kruanh Quốc hội Vương Đình Huệ an gĭt: rơh tâm nchră mpeh nô nău wăng sa rêh jêng kon nuĭh n'hanh trong nchrăp luật Neh ntu (rgâl nkra) mbra jă kruanh bah 63 n'gor, nkual ƀon têh tât râng, djăt tâm nchră n'hanh dơi ƀư tâm pă 2 rơh. Ủy ban TVQH đă ân lơi uănh lhơ, ân ƀư jăp pah kan njrăng n'gang nuh srê, mât đăp mpăn rnă njrăng an rơh hop tâl 4, Quốc hội khóa 15.

VOV.VN

Nuĭh rblang: Điểu Thân