VOV4.M’nông- Tĭng bôk nău kan rơh rƀŭn nchră tal 3, Quốc hội khóa 15, nar 27/5, Quốc hội pah kan tay ta ntŭk rƀŭn nchră, tâm nchră mpeh ăp nău nchrăp Luật. Ta ôi, Quốc hội djăt kruanh n’gâng kan Nội vụ Phạm Thị Thanh Trà, ndơn kan bâh Thủ tướng chính phủ mbơh tơih nău nchrăp Luật ƀư tĭng ƀon lan ƀư tơm ta ntŭk. Lôch nĕ, kruanh Ủy ban Pháp luật bâh Quốc hội Hoàng Thanh Tùng ndơ̆ nău mbơh tơih uănh nđôi nău nchrăp luật aơ. Lôch nĕ, Quốc hội djăt Ủy viên Ủy ban rnâng kan Quốc hội, kruanh Ủy ban ntŭk rêh jêng bâh Quốc hội Nguyễn Thúy Anh mbơh tơih mbơh rblang, geh gĭt vât, rgâl nkra nău nchrăp Luật tâm rlong, nkhôm rnê. Quốc hội tâm nchră ta rmôt mpeh du đê̆ nkô̆ nău hôm geh tâm rgop êng êng bâh nău nchrăp Luật tâm rlong, nkhôm rnê.

Nuĭh rblang: Thị Đoắt