VOV4.M’nông – Nthoi tay bôk nău kan rƀŭn nchră đại biểu Quốc hội chuyên trách, nar 29/3, ăp đại biểu an rgop tâm nău nchrăp ƀư Luật Điện ảnh (nkra rgâl) n’hanh nău nchrăp ƀư Luật tăch rgâl bảo hiểm (nkra rgâl). Tâm nĕ, Luật điện ảnh dơi nkra rgâl  lĕ rngôch gay rgâl uĕh nău ntrŭnh, trong hăn bah Đảng, Hiến pháp năm 2013, ndâk njêng điện ảnh Việt Nam uĕh di lơn, mhe, uĕh tĭng rnoi mpôl tâm di đah điện ảnh Việt Nam nchrŏng trong xã hội chủ nghĩa n’hanh geh tâm ban ŭch tâm trong pháp luật, ƀư tĭng săk rnglăy tâm ton tâm trôm pháp lý lam ntŭr neh mpeh nău kan điện ảnh n’hanh hun hao công nghiệp điện ảnh. Ăp nkô̆ nău hôm e rgop êng êng bah nău nchrăp luật lah:

Rƀŭn nchră Đại biểu quốc hội chuyên trách an rgop 2 nău nchrăp ƀư luật.

Nău kơl bah Ngih dak mpeh hun hao điện ảnh, công nghiệp điện ảnh; Pă an nău nkra njêng phim an rmôt kan, êng nuĭh dak bah dih; nkra njêng phim dŏng prăk ngih dak; mbơh rblang tâm mạng; n’hanh Ntop kơl hun hao điện ảnh.

Nuĭh rblang: Y Sưng Phê Ja