VOV4.M’nông – Ôi aơ ta Hà Nội, ƀư rƀŭn nchră mât uănh n’hanh mbơh ƀư Nghị quyết 06 bah Bộ Chính trị nar 24/1/2022 “Mpeh dăp rgum ndâk ƀư mât uănh n’hanh hun hao nâp nâl đô thị Việt Nam tât năm 2030 uănh tât năm 2045”. Tĭng kơp mĭn bah Tổng cục Thống kê, rnoh đô thi mhe ta Việt Nam năm 2010 lah 30,39%, tât năm 2020 lah 36,8%. Tâm rnôk gâl đô thị geh têh dăng ngăn ta 2 nkual wăng sa-rêh jêng khlay nĕ lah nkual Dâng rđŭng dak me Hồng n’hanh nkual Đông Nam Bộ, đêt ngăn ta nkual Trung Du miền núi mpeh Bắc. Đô thị mhe n’hanh hun hao đô thị nta nơih an hun hao wăng sa-rêh jêng, ntrôl rgâl wăng sa n’hanh rgâl pah kan tĭng trong công nghiệp mhe, rgâl mhe; nău hun hao bah du đêt đô thị lĕ ntrôl nău hun hao wăng sa ta nkual ƀon lan... Yơn lah, bah meng săk rnglăy lĕ dơi geh hôm âk nău mô hŏ dơi ƀư, jêr jŏt tâm hun hao đô thị aƀaơ...N’hêl na nê̆ aơ dôl n’gluh an ăp nău kan dơi kan an geh trong mkra tâm ban gay hun hao đô thị têh jêng ăp trong hao jêng; mĭn njêng an trong ƀư nău kan êng tâm hun hao đô thị.

Nuĭh rblang: Y Sưng Phê Ja