VOV4.M’nông-kêng măng nar 30/3, ta Hà Nội lĕ geh ƀư rơh rƀŭn nchră tal 1 tâm mâp ăp nuĭh tăch rgâl mom Việt Nam tal 7, năm kan 2022-2025. Tât râng Đại hội geh 800 nuĭh kan tăch rgâl mom ntoh lư ndơn an rlău 11 rbăn nuĭh kan tăch rgâl, nuĭh kan ndrel ta lam dak. Rơh tâm mâp rnê nău kan bâh ăp nuĭh tăch rgâl mom tâm nău hun hao wăng sa, pah kan ntŭk rêh jêng n’hanh nău pah kan bâh mpôl doanh nhân mom Việt Nam năm kan 2018-2021, nchră mpeh trong kan tâm năm 2022-2025 n’hanh geh săch Ban chấp hành mpôl tăch rgâl mom Việt Nam năm kan tal 7. Wa Trần Anh Vương, groi kruanh mpôl tăch rgâl mom Việt Nam an gĭt: nău mhe bâh năm kan tay lah an geh ăp nuĭh mom leo kan, ăp nău kan mpŏng tât nuĭh mom n’hanh mĭn rklă nău kan, lăp kan ndrel đah lam ntur neh, hăn ndrel đah ăp ntŭk pơk hvi tay ăp ntŭk kan ndrel mĭn rklă nău kan. Tâm rnôk geh đại hội, măng nar 30/3, mpôl tăch rgâl mom Việt Nam ƀư rơh pă ndơ nkhôm rnê Sao vàng đất Việt 2021, ryơk rnê Top 10, Top 100 n’hanh Top 200- nău ntơ ntoh lư Việt Nam.

Nuĭh rblang: Thị Đoắt