VOV4.M'nông: Lôch 6 nar pah kan, kêng măng aơ (10/5), Tâm nchră tâl 5 Ban Chấp hành Trung ương Đảng khóa XIII n'glôch jêh ta Thủ đô Hà Nội. Tâm ăp nar rlău aơ, Tâm nchră tâl 5 Ban Chấp hành Trung ương Đảng khóa XIII hŏ ndơ luh tâm nchră, an nău rgop geh tât âk nkô̆ nău khlay. Ăp  nuĭh tâm nchră, an nău rgop mpeh: N'glôch jêh 10 năm tĭng ƀư Nghị quyết Tâm nchră Trung ương 6 khoá XI mpeh rgâl mhe tay trong kan, pháp luật mpeh neh ntu tâm rơh ntrôl dăng lam lĕ rngôch rơh rgâl mhe.

N'glôch jêh 15 năm tĭng ƀư Nghị quyết Tâm nchră Trung ương 7 khoá X mpeh tuch tăm, ƀon lan kan lŏ mir. N'glôch jêh 20  năm tĭng ƀư Nghị quyết Tâm nchră Trung ương 5 khoá IX mpeh rgâl mhe tay, hun hao n'hanh n'hao  nău dơi geh wăng sa mpôl. Đề án rdâk njêng ntŭk kan đảng tâm dâng n'hanh đảng viên. Đề án njêng Ƀan rđău đă gưl n'gor mpeh njrăng, n'gang sa khâm, tih djơh. Mbơh nău uănh năl tay nău rđău kan, nchŏng đă bah Bộ Chính trị, Ban Bí thư năm 2021; n'hanh du đêt nkô̆ nău khlay êng ƀa ƀă./.

Nuĭh rblang: Điểu Thân