VOV4.M’nông: Nar aơ, lơ 16/2, 51 n’gor, nkuăl ƀon têh ntơm nau jao, ndơn tahen tâm lam dak năm 2022 đah nuih n’hâm ngăch, ueh, ƀư rjăp nau ntrŭnh njrăng rdâng srê. Bol ma nau kan săch ndrel kuăl tahen hăn tâm rnôk geh srê Covid-19 geh tât, yơn ăp nkuăl lam dak ƀư jêh 100% nkô̆ nau săch ndrel kuăl tahen hăn năm 2022 đah nau kan prêh, âk ngăn bu ndăm geh nau dơi hăn tahen geh n’hâm soan loại 1, loại 2. Gay mât đăp mpăn nau leo tahen, N’gâng kan Quân sự (N’gâng kan rđau kan tahen ƀon lan Việt Nam) ƀư ueh nau mbơh, nchră đă ăp ntŭk kan, rmôt, n’gor gĭt nau kan, ntrŭnh nau kan ân ueh tâm nau rđau, nsôih mô ân srê khuch tât nau leo hăn tahen. Kơl an săch bu ndăm geh n’hâm soan ueh. Tĭng nau nchrăp, nau jao, ndơn tahen mra geh ntơm nar aơ tât lôch lơ 20/2, ƀư jêh rơh jao tahen bah năm./.

Nŭih rblang: H’Thi