VOV4.M’nông: Ôi aơ, Quốc hội lŏ tâm nchră tma ngih rƀŭn mpeh nau ntrŭnh rlong ƀư du đê̆ nau kan, nau ƀư gay hun hao văng sa bah n’gor Khánh Hoà. Djăt nau mbơh mêt uănh mpeh nau ntrơn leo tơm prăk ân manh tay, kơl an Chính phủ ƀư nau pă tơm prăk ngih dak, tâm nchră ta ngih rƀŭn mpeh nau ntrơn leo tơm prăk manh tay, kơl an Chính phủ pă tơm prăk ngih dak. Kêng măng aơ, ntơm 2 nar n’gul ôp ndrel ơh nau ôp. Kruanh n’gâng kan tuch tăm ndrel hun hao ƀon lan Lê Minh Hoan râng nau ôp ndrel ơh nau ôp bôk năp đah ăp nau kan tuch tăm. Bah năp nê, tâm kêng măng 6/6, Quốc hội tâm nchră mpeh nau lôch nau ƀư nau ntrŭnh mrô 66 bah Quốc hội ndrel ƀư nkra trong Hồ Chí Minh rơh mhe. Tât rnôk aơ, bôk nau kan hŏ 2 tơ̆ geh nau kol mô tâm di nau kan, hôm 171 km ê geh ntuh kơl. Âk nau đă, aơ lah nau kan khlay ngăn bah neh dak ân geh tâk pă tơm prăk gay ma ƀư jêh nau kan, ân geh đăp mpăn n’ho ro tă bah mpeh ba lơ, tât mpeh ba dâng, đă Chính phủ dŏng tu tơm kan bah nơm gay ma ƀư jêh ăp trong hăn hôm e gay trong Hồ Chí Minh ơm geh hăn bluh tâm rơh ơm ngăn./.

Nŭih rblang: H’Thi