VOV4.M’nông: Lơ 25/2, N’gâng kan rđau kan Biên phòng n’gor Dak Lak tâm rgop nsum đah nkuăl Ea Súp ƀư nar hội Biên phòng lam ƀon lan năm 2022 tâm xã n’har bri Ia rvê. N’gor Dak Lak geh trong jong n’har rlau 73 km tâm dăch ma n’gor Mul-dul-kri, Campuchia. Nkuăl n’har bri bah n’gor Dak Lak geh 4 xã, đah 51 thôn, ƀon tâm 2 nkuăl Buôn Đôn ndrel Ea Súp, lah ntŭk rêh bah rlau 22 rbăn nŭih tâm 26 rnoi mpôl.

Ăp năm rlau aơ, gưl uỷ, N’gâng kan ăp nkuăl tâm rgop rjăp đah Tahen biên phòng mât nâp nkuăl n’har bri, đăp mpăn nkuăl n’har bri bah neh dak, mât đăp mpăn tâm nkuăl. Ngăn lah, tâm ăp xã n’har bri hŏ geh 26 rmôt, rlau 480 rnăk, rlau 1.600 nŭih đăng ký râng nau mât nkuăl n’har bri. Êng nê, nŭih ƀon lan tâm 51 thôn, ƀon nkuăl n’har bri kí ton râng nau njrăng, rdâng phung tih dôih, nau khuch tâm nau rêh./.

Nŭih rblang: H’Thi