Ôi (4/9), Nhih nti Tiểu học Cư Pui 2, xã Cư Pui, nkuâl Krông Bông, n’gor Dak Lak hŏ ƀư nar khai giảng ta nhih nti Ea Rớt. Aơ lah ngoăy tâm ăp nhih nti nkual jru ngai jêr jŏt, dơi ƀư nar khai giảng dŭt ơm bah n’gor. Rlău 180 kon se nti bah Nhih nti tiểu học Cư Pui 2, ntŭk nhih nti thôn Ea Rớt, xã Cư Pui, nkuâl Krông Bông, n’gor Dak Lak hŏ tât râng nar khai giảng ơm năm nti 2024 – 2025.

Aơ lah ngoăy tâm ăp nhih nti dŭt jêr jŏt mha êng bah n’gor Dak Lak, trong sop nkăp, ngai ngât, rnoh rnăk ach o âk rlău 90%. Nai ntĭm Nguyễn Hồng Thuần, Hiệu trưởng nhih nti tiểu học Cư Pui 2 an gĭt: Năm nti 2024-2025, nhih nti geh 7 jrô nti đah 186 kon se nti. Rnăk ăp kon se nti tâm ƀah ngai jêng ntơm bah n’gul khay 8 nhih nti hŏ kan nsum đah ăp kruanh rkŭm rgŏ jă, bonh đă me bơ̆ uănh khlay njŭn oh kon he tât nhih nti. Nhih nti hŏ nchrăp ăp tŏng ndơ gay ăp kon se geh du năm nti mhe rhơn nđơr n’hanh geh nău dơi đŏng.