VOV4.M’nông: Lơ 16/1 tât, ta Học viện cảnh sát ƀon lan, Bôk nau kan yur mham kơl an Nar pơh gur tal 14 mra geh ntơm. Bôk nau kan năm aơ ndơn geh nau kơl an bah ăp n’gâng kan, ntŭk kan, ngăn lah nau lăp kan bah rlau 40 n’gor, nkuăl ƀon têh, nchrăp ndơn geh ntơm 45 rbăn tât 50 rbăn đơn vị mham. Bol ma ê geh ntơm ƀư ngăn, yơn ntơm khay 11 năm e tât rnôk aơ, ăp ntŭk yur mham bah Nar pơh gur tâm 15 n’gor hŏ ndơn geh bơi tât 6000 đơn vị mham.

Tŏng dơi nau ŭch mhal kơl săm nŭih tâm rnôk bah năp, tâm ndrel ba kơi Tết năm mhe Nhâm Dần 2022. Nau ntrŭnh đă “Yur mham kơl nŭih-Nau rêh bah băl ndrel nơm” lôch rlau 10 năm ma aơ kơp ntơm rnôk nar Pơh gur geh Báo Tiền phong ndâk ƀư hŏ jêng nau đă jăp ngăn tâm ăp rnôk năm mhe gay ma rgum nau kơl an ân lơn bah rmôt kan ndrel ka mpưm ƀon lan tâm ăp năm, nkuăl, rnoi mpôl, nau kan êng êng ndrel râng kơl yur mham”./.

Nŭih rblang: H’Thi