Xã Ea Bung ta rnoh neh dŭt têh ta nkuăl Ea Sup đah bơi tât 30 rbăn ha. Lam xã geh 1.060 rnăk, đah 4.078 nuĭh, geh ăp mpôl rnoi Tày, Nùng, Mường, Thái, Rđe, Jrai, H’Mông, Chứt, n’hanh Yuan. Lĕ rngôch ăp thôn lĕ gegh rdâk njêng nău kan rmôt kan mât uănh đăp mpăn ngih dak, ndrel đah mpôl kan têh rdâk njêng ntŭk mât njrăng đăp mpăn n’har bri ta lĕ ƀon lan mâp nâp nkual neh n’har bri.

Ăp pôih tahen n’har bri Đăk Rvê, Yok Bruê lĕ leo kan mbơh tơih nău, kơl an hun hao wăng sa- rêh jêng, ngăn lah bôk nău kan rdâk njêng nkual ƀon lan mhe, kơl an ăp rnăk jêr jŏt..Tâm nău kan nar tâm mâp lĕ geh ƀư ăp nău kan văn hóa thể thao n’hanh uănh săm ji, pă dak si mô sŏk prăk an ƀon lan, yor ngih dak si Hùng Vương, Nhân Ái nkuăl ƀon têh Hồ Chí Minh tâm rgop đah ntŭk uănh săm ji tahen ƀư. Di rơh aơ, n’gâng kan Tư lệnh tahen n’har bri, tahen n’har bri n’gor Dak Lak, UBND nkuăl Ea Sup..lĕ pă an kỉ niệm chương an 10 nuĭh kan n’hanh ntŭk kan nkhôm rnê an âk nuĭh kan, ntŭk kan geh nău dơi ntoh lư tâm nău kan “lĕ ƀon lan tât râng mât đăp mpăn n’har bri”.