VOV4.M’Nông- Nar 30/8, Đoàn n’gor Dak Lak ƀư rơh bôk nău kan nar tâm mâp gâp rŏng ngih dak gâp năm 2022 đah âk nău kan ntoh n’gôr. Nar tâm mâp gâp rŏng ngih dak gâpta Dak Lak năm aơ  geh âk nău kan kơt lah rơh tâm mâp, mbah rhơn cờ n’hanh njrơh mprơ ta quảng trường 10/3 nkuăl ƀon têh Buôn Ma Thuột, njroh mprơ dân vũ n’hanh nchoăt Việt dã Mobirun- Gâp rŏng ngih dak gâp, rơh tâm mâp Nău ŭch rŏng mom ndăm, liên hoan mbơh tơih nău mprơ cách mạng, mom ndăm mprơ n’hanh uhgoh mbuăt rlet ching gong mpôl rnoi.

Mbah cờ

Rlău 1 rbăn mom ndăm dâk dăp nchih rplay Gâp rŏng Việt Nam

Rơh  kahgĭt 66 năm nar way ơm Hội liên hiệp thanh niên Việt Nam n’hanh rnê nsơm mom ndăm ntoh lư ta ăp trong kan. Bôk nău kan gay ma vơt rhơn geh nău dơi đại hội đoàn ăp gâl mpŏng tât Đại hội đoàn lam dak tal 12, vơt rhơn nar QK nar 2/9 n’hanh ăp nar lễ têh bâh neh dak. ăp nău kan geh âk nkô̆ nău na nê̆, bâh nĕ geh âk mom ndăm tât râng, vơt tĭng rhơn, nta nău săk rnglăy tâm rgop rgum lĕ mom ndăm ta ăp ntŭk kan, hội tâm lam n’gor.

Nuĭh rblang: Thị Đoắt