VOV4.M’nông: Kêng măng 16/3, ta nkuăl ƀon têh Hồ Chí Minh, Kruanh dak Nguyễn Xuân Phúc râng nau pă nkhôm Anh hùng rmôt tahen ƀon lan ân đồng chí Lữ Minh Châu, Groi Kruanh Rnâng kan tơm prăk khay N2683, Tổng Giám đốc ơm Ngân hàng ngih dak Việt Nam. Ntoh măt rđau kan Đảng, Ngih dak, Kruanh dak Nguyễn Xuân Phúc hŏ pă nkhôm nau dơi Anh hùng rmôt tahen ƀon lan ân ntoh măt bah rnăk đồng chí Lữ Minh Châu. Ntoh nau tâm nar nkah, Kruanh dak Nguyễn Xuân Phúc lah rjăp, mra dơi lah tâm rnôk tâm lơh duh hô tâm mpeh ba dâng, đah nau ƀư lah Groi kruanh Rnâng kan tơm prăk khlay, đồng chí Lữ Minh Châu ndrel ăp nŭih kan nsum tâm Rnâng kan tơm prăk khlay nchrăp, blau nau mhe, nsôih ƀư ueh nau kan kơl nchră nau ân Rnâng kan tơm prăk Trung ương Cục Miền Nam, mô klach nau jêr, nau khuch, nsrôih, nănh rlet rlau ăp ntrong mêt njrăng bah phung rlăng gay ma ntrơn leo âk rhiăng rkeh đôla, pă ngăch ân nŭih ƀon lan nơm tâm lơh, kơl an năn ân ăp nau ŭch bah cách mạng miền Nam, ƀư jêh nau kan geh N’gâng kan chính trị, Trung ương Đảng ndrel Chính phủ rhơn jao ân./.

Nŭih rblang: H’Thi