Lơ 26/2, nar tal 2 tâm rơh lăp tahen, geh 7 n’gor, nkuăl ƀon têh ƀư nau jao ndơn tahen geh: Thanh Hoá, Nghệ An, Hà Tĩnh, Quảng Trị, Quảng Bình, Thừa Thiên Huế ndrel nkuăl ƀon têh Hà Nội. Bah năp nê, nar bôk năp jao ndơn tahen hŏ geh tâm 30 n’gor, nkuăl ƀon têh tâm lam dak, âk rmưn druh ndăm hŏ hăn, đăp mpăn tŏng rnoh nŭih, nau nâp, ƀư hăn tât ta ntŭk tâm di mông, nar, đăp mpăn. Năm aơ lam nkuăl ƀon têh Hà Nội geh 1.471 nŭih nchih săm ƀŭt dăn hăn lăp.

Đại tá Đào Văn Nhận, Groi rđau tahen nkre Kruanh n’gâng kan rđau tahen Thủ đô Hà Nội mbơh, tâm 8h, nau jao tahen geh ƀư tâm 30 Quận, nkuăl bah Thủ đô Hà Nội. Rnôk aơ, geh 3.700 nŭih lăp tahen ndrel 794 nŭih lăp công an ƀon lan hŏ mra ntơm hăn trong sĭt ntŭk kan.

Tâm Thanh Hoá, bol ma br n’ik ndrel geh mih rah, yơn mô khuch tât nau khuh răm, nuih n’hâm bah rlau 3.650 tahen mhe. Ăp nkuăl nchrăp ueh nau dơi gay ma nar ndơn jao geh ƀư ueh, njŭn ăp tahen hăn ƀư nau kan./.