VOV4.M’nông – Ƀư tĭng Nghị định 120 bah Chính phủ, năm nti 2022-2023, N’gâng kan ntĭm  nti n’gor Kon Tum ƀư dăp tay, tâm pă, tâm pleh âk cán bộ gay mkra nău jêr jŏt n’hanh lôch jêh rmôt kan mât uănh ăp ngih sam ƀŭt THPT. Na nê̆ đah 8 ngih sam ƀŭt THPT geh rnoh Groi Hiệu trưởng âk lơn đah nău ntrŭnh lah 2 nuĭh, N’gâng kan ntĭm nti n’gor Kon Tum lĕ ƀư tâm pleh 4 Groi Hiệu trưởng an ăp nuĭh geh 1 Hiệu trưởng; 4 nuĭh geh sam ƀŭt ŭch êng dăn rlu mât nău kan n’hanh 1 hê ƀư tĭng nklăch phiếu mpôn săch Groi Hiệu trưởng.

N’gâng kan ntĭm nti n’gor Kon Tum rnê rhơn nai gĭt blău ntoh lư năm nti 2021-2022.

N’gâng kan ntĭm nti n’gor Kon Tum, an gĭt nău dăp, pă, tâm pleh cán bộ mât uănh ăp ngih sam ƀŭt THPT mbra dơi ƀư tĭng nău ŭch mkra jêr jŏt, đăp mpăn n’gâng tơm ƀĭt joet n’hanh dơi mât uĕh nău blău êng bah cán bộ mât uănh ăp ngih sam ƀŭt.

VOV Tây Nguyên

  Nuĭh rlang: Y Sưng Phê Ja