VOV4.M’nông -  Knŭng tâm du pơh nar 14/2 tât 21/2, lam nkual ƀon têh kơp dơn rlău 40 nuĭh ntưp lah nai n’hanh rlău 430 nuĭh lah kon hŏk. Ta năp nău jêr jŏt bah srê, Jrô kan ntĭm nti nkual ƀon têh Buôn Ma Thuột lĕ tâm ôp tâm nchră an UBND nkual ƀon têh an rlu tât ngih sam ƀŭt đah kon hŏk lĕ rngôch ăp jrô nti, knŭng geh jrô 9 n’hanh 12.

Nău kan ntĭn nti nkual ƀon têh Buôn Ma Thuột

Tĭng jrô kan ntĭm nti nkual ƀon têh Buôn Ma Thuột, Dak Lak, srê Covid-19 ta Dak Lak geh jêr jŏt tay đah hang rbăn nuĭh ntưp du nar. Ta ăp ngih sam ƀŭt, bôl nău ntoh nuĭh ji lĕ geh nchrăp lor yơn rnoh F0 hao âk lĕ khuch têh tât nău mĭn bah nai, kon hŏk, me bơ̆. Nkre njrăng srê Covid-19, nkre ntĭm săk rnglăy, nkre đăp mpăn nău mĭn an kon hŏk, me bơ̆, nai lah nău rƀŏng bôk năp bah ăp ngih sam ƀŭt aƀaơ hin.

Nuĭh rblang: Y Sưng Phê Ja