Rơh tâm nchră gay ma ntrôl nău tâm kơl đah dak bah dih, lah rơh nkhêp gay ma nuĭh tât râng tâm mbơh mpeh ăp nău tâm rgop nău mĭn ntĭm nti, kơt nti nău tă kan bâh ăp nuĭh way kan, nuĭh kan mbơh nău ntĭm nti knơm, bâh nĕ njêng nău kan tơm khlăy an ăp trong kan mĭn kan ta năp nău ntul rlong ma lam ntur neh dôl tâm rdâng.

Tât râng bôk nău kan “Mĭn kan mom ndăm leo kan mom Đông Nam Á (YE SLI) năm 2023” lah 75 giảng viên, ăp nuĭh nchrăp kan n’hanh rgŏ jă nău tâm kơl, rlet rlău rơh săch dŭt jêr đah rlău 900 nuĭh tâm rlong bâh ăp dak ASEAN n’hanh Timor Leste. Ta lĕ ăp bôk nău kan ntoch jong rlău 4 nar, nuĭh tât râng mbra geh rơh tâm rgop, kơt nti n’hanh mbơh nău tă blău kan bâh âk nău kan êng êng, bâh ăp rơh tâm nchră lĕ rngôch, tâm nchră rmôt jĕ, tât ăp rơh hăn tâm nău ngăn.