VOV4.M’nông-Đồng chí Võ Văn Thưởng, rnâng kan Ban Bí thư ndơn kan an n’gâng kan chính trị mhe geh ký nău ntrŭnh 65 bâh n’gâng kan chính trị mpeh nău tâm pleh kan cán bộ. Bâh nău mĭn pah kan tâm pleh kan cán bộ lah du nkô̆ nău tâm nău kan cán bộ, nău ntrŭnh 65 geh ntrŭnh mbơh đah nkô̆ ŭch rgâl mhe tay nău kan tâm pleh kan cán bộ, mât đăp mpăn  na nê̆, ƀon lan ƀư tơm, kloh rjăp, na nê̆, tâm ban, mô an geh nău mô ueh tâm nău kan cán bộ. Nău ntrŭnh lĕ lah na nê̆ nău kan, nuĭh kan, mô an geh nău mô ueh tâm nău kan cán bộ. Ntrŭnh na nê̆ ăp nău kan, nuĭh kan, nău leo kan tâm pleh, tĭng nĕ nău tâm pleh kan bâh ntŭk kan ba lơ jur ntŭk jan ba dâng, bâh ba dâng hao ba lơ, bâh ntŭk aơ tât ntŭk êng, đah ăp ntŭk kan, ntŭk leo kan ndrel gâl kan tâm trong kan chính trị. Nuĭh geh kan lah ăp cán bộ geh nchrăp kan lor đah nău leo kan, mât uănh ăp gâl. Nău ntrŭnh đă, gâl kan geh nău dơi ntrŭnh tâm pleh kan cán bộ dơn leo kan rdâk njêng nău nchrăp tâm pleh kan cán bộ n’hanh pă dăp, pă nău kan đah cán bộ lôch tâm pleh kan, ƀư tĭng nău ntrŭnh, săm ƀŭt kan mât đăp mpăn ƀư tơm, tâm ban kloh rjăp na nê̆, uănh nđôi, rmal nău tih, mât uănh, uănh năl, mbơh rgop nău ăp năm đah cán bộ geh tâm pleh kan, sơ kết, nglôch lôch nău kan tâm pleh cán bộ pah kan.

Nuĭh rblang: Thị Đoắt