Nar ntri (29/05), Thủ tướng Chính phủ n’gluh an dŏng nău ntrŭnh mbrô 17 mpeh n’hao dăng rđău đă, kan nsum ƀư rơh thi tốt nghiệp trung học phổ thông n’hanh sơch lăp nti đại học, ntĭm nti nău kan năm 2023. Gay ƀư rơh thi n’hanh sơch lăp nti đại học, ntĭm nti nău kan năm 2023 an uĕh, Thủ tướng Chính phủ đă Bộ Giáo dục n’hanh Đào tạo, ăp bộ, nhih pah kan tâm ban bộ, nhih pah kan mpeh Chính phủ, Ủy ban nhân dân ăp n’gor, nkual ƀon têh mpeh Trung ương tĭng ƀư ăp tŏng nău dơi, nău dơn kan dơi jao, tâm nê, đah Bộ Giáo dục n’hanh Đào tạo: N’gluh an dŏng ăp tŏng, năn ngăch ăp siƀŭt rđău đă, ntĭm nti, trong nchrăp ƀư rơh thi n’hanh sơch lăp nti đại học, cao đẳng n’gâng kan ntĭm nti Mầm non; đăp mpăn đề thi di ngăn, tŏng đah nău ŭch geh bah Rơh thi n’hanh sơch lăp nti.

Đah Ủy ban nhân dân ăp n’gor, nkual ƀon têh mpeh Trung ương: Rđău đă tĭng ƀư n’hanh dơn lĕ rngôch nău ƀư mpeh Rơh thi ta n’gor. Nta trong dơh mpeh rsong hăn, gŭ rlu, sông sa an nuĭh râng thi n’hanh rnăk wâl nuĭh râng hăn thi ta ăp ntŭk thi, lơn lah nuĭh thi geh nău rêh jêr jŏt, nkual jru nkual ngai, nkual ƀon lan rnoi mpôl đê̆, mpeh yôk yang n’hanh n’har bri, gôl dak.