VOV4.M’nông: Măng 26/3, ta Ngih mprơ têh Hà Nội, Trung ương Đoàn druh ndăm Cộng sản Hồ Chí Minh, tơm prăk kơl an nau blau mom Việt Nam ƀư nau pă nkhôm nŭih mom Việt Nam ntoh lư năm 2021. Rnâng kan hŏ săch ndrel ma pă nkhôm 10 nŭih mom Việt Nam nthoh lư ndrel 9 nŭih mom geh nau mra dơi blau năm 2021. Aơ lah ăp nŭih druh ndăm, kon se ntoh lư đah ăp nau dơi ueh, blau tâm ăp nau kan ntĭm nti, mĭn njêng khoa học, thể dục thể thao, pah kan jan sa, mât neh dak. Tâm nau pă nkhôm, ăp nŭih mom Việt Nam ntoh lư mra geh nau tâm n’ur, tâm nkoch mbơh ăp nau ŭch bah nơm ân ăp nŭih djăt uănh tâm 3 nkô̆ “Nau mpŏng ndrel nau ŭch”, “rket nau jêr gay ma nsôih” ndrel “Nau geh jêng gay ma kơl an”. Đah ăp nau nkoch geh âk nau ueh, ăp băl mom Việt Nam mô knŭng nthoh nau dơi, nau nsôih leo tâm ăp nau kan tâm nau rêh ma hôm lah nau mô rlu tâm nau nsôih ƀư nau mhe gay ma rgop dơi tâm nau hun hao ndrel ƀư ân ueh nau ŭch nâp dăng bah neh dak./.

Nŭih rblang: H’Thi